JINSI YA KUPANGA BAJETI YA MSHAHARA WA KWANZA

UTANGULIZI 

Kupanga bajeti ni kitu cha msingi sana hasa kwa mshahara wa kwanza kwasababu kiuhalisia mshahara wa kwanza ndio huwaumiza watu wengi sana hushangaa  umeisha vipi na kuanza kusema kuwa hautoshi kumbe tatizo lipo kwenye kutopanga bajeti ya mshahara kabla haujaingia 

Umeanza kazi, mshahara umeingia kwenye akaunti yako Tsh 600,000.

Siku mbili tu Tsh 450,000 zimeshaisha. Unajiuliza pesa yangu imeenda wapi?

Usiwe na wasiwasi sote tumepitia hapo. Mshahara wa kwanza bila mpango ni kama maji kwenye kikapu.

Leo nakupa hatua 5 rahisi utakazotumia leo hii ili mshahara wako udumu hadi mwezi ujao. Hii ndio "Pesa Hatua kwa Hatua" halisi.

Hatua ya 1: Toa 10% Kwanza Kabla ya Kitu Kingine

Hii ndio sheria namba 1, Pesa ikiingia, kabla hata hujalipa kodi ya nyumba, toa 10%. Hii ni kwaajili ya kiweka akiba 

Kama mshahara wako ni Tsh 600,000, toa Tsh 60,000 weka pembeni. Sehemu ya kuiweka unaweza kufungua akaunti nyingine tofauti au tumia M-Pesa wallet tofauti. Usiiweke na pesa ya matumizi, ukichanganya utaitumia tu.

Kumbuka, hii sio iliyobaki hii ni ya kwanza. Lipia mustakabali wako kwanza.

Hatua ya 2: Gawa masanduku 4 makubwa 

Sahau kutumia ovyo, gawa pesa yako kwenye masanduku 4. Tumia karatasi au notes ya simu.

1. Nyumba na Chakula: 50%

Hapa ndio Tsh 300,000. Kodi, umeme, maji, chakula cha mwezi mzima. Hapa itaigawa vizuri kwapangilio mfano kodi Tsh 100,000, umeme na maji 20,000, chakula 180,000.

2. Usafiri na mawasiliano: 15%

Tsh 90,000, hii ni kwaajili ya bando daladala, weka bajeti ya wiki 22,500, ikiisha unangoja wiki ijayo.

3. Madeni: 5%

Tsh 30,000. Hapa ndio utalipa deni kama una au kuongeza akiba yako.

4. Matumizi binafsi na burudani: 10%

Tsh 60,000, hii ni yako, Nenda kula chips, nunua nguo. Lakini ukiimaliza, imeisha usitoe kwenye sanduku lingine.

5. Dharura na msaada: 10%

Tsh 60,000, hii ni kwaajili ya dharura ikitokea, ni muhimu sana kwasababu dharau hutokea sana katika maisha ya kila siku, pia kusaidia watu wenye uhitaji. Sanduku hilo litafanya kazi hizo.

Hatua ya 3: Andika Kila Tsh 1000 inakotoka 

Watu wengi wanapoteza pesa kwa vitu vidogo vidogo.

Kuanzia leo, kwa siku 30 zijazo andika kila unachotumia, unanunua soda Tsh 1000 andika, unapanda boda Tsh 2000 andika. Hii itakusaidia kufahamu matumizi makubwa yanatoka kwenye kitu gani. Mwishoni mwa wiki utashangaa. Aisee nimespend Tsh 40,000 kwenye soda tu?, ukiiona ndio utaweza kuikata. App rahisi ya kutumia ni Money Manager au tumia tu daftari.

Hatua ya 4: Epuka marafiki wa Mshahara

Siku 3 mshahara ukiingia, simu yako itaanza kuita, mkuu nisaidie kidogo, tunapiga story leo. Sio mbaya kusaidia, lakini weka sheria. Weka Tsh 20,000 kwenye sanduku la msaada. Ikiisha, jibu mwezi ujao, ndugu kama utampa kila mtu, mwezi utamaliza na deni.

Hatua ya 5: Panga Kabla ya tarehe 25

Usisubiri mshahara uingie ndio upange. Tarehe 25, kaa chini dakika 20, Angalia bajeti ya mwezi ujao. Kodi ni kiasi gani? Chakula? Kuna harusi?. Ukipanga mapema, unakuja na utulivu,  huwezi kushangazwa.

HITIMISHO 

Mshahara sio tatizo, tatizo ni mpango, Tsh 600,000 zinaweza kutosha, Tsh 2,000,000 pia zinaweza zisiweze, Tofauti ni mpango.

Anza na hatua 2 leo: Toa 10% na andika matumizi yako. Mshahara wako wa kwanza usiwe wa mwisho kujipanga.

Wewe unasikiaje? Ni kosa gani kubwa ulilifanya mshahara wako wa kwanza? niandikie kwenye comment hapo 👇

Maoni

Chapisha Maoni

Machapisho maarufu kutoka blogu hii

KANUNI YA 50/30/20: NJIA RAHISI YA KUIWEKA KATIKA MAISHA HALISI TANZANIA

Picha
UTANGULIZI   Leo nakuletea silaha moja rahisi inayoitwa Kanuni ya 50/30/20. Haijalishi unalipwa Tsh 300,000 au Tsh 3,000,000. Kanuni hii itakusaidia kujua kila shilingi yako inaenda wapi. Watu wengi huko Marekani na Ulaya wameitumia of miaka mingi. Leo tunaiweka kwenye hali halisi ya Tanzania, bila stress. Kanuni ya 50/30/20 Ni Nini? Ni njia rahisi ya kugawa mshahara wako katika vikundi 3 tu. Mtaalamu wa fedha Elizabeth Warren ndiye aliyebuni kanuni hii. Wazo lake ni moja: panga pesa yako kabla pesa ikupange wewe. Kanuni inasema hivi: 1. 50% ya mshahara wako iende kwenye mahitaji Muhimu 2. 30% iende kwenye matamanio  3. 20% iende kwenye Akiba na Kulipa madeni. Sehemu ya 1: 50% - Mahitaji muhimu bila haya huwezi kuishi. Hii ni nusu ya mshahara wako. Tsh 500,000 kama unalipwa Tsh 1,000,000, haya ni mambo ambayo kama hutayalipa, maisha yako yanasimama. - Kodi ya Nyumba - Chakula cha mwezi - Mchele, maharage, mafuta - Umeme, Maji, Gesi - Usafiri wa kwenda Kazi - dala dala, bajaji...
Endelea kusoma

JINSI YA KUJENGA AKIBA YA DHARURA HATA KAMA KIPATO NI KIDOGO

Picha
UTANGULIZI Akiba ya dharura ni moja ya kinga muhimu zaidi katika maisha ya fedha. Hii ni pesa inayokusaidia wakati mambo yasiyotarajiwa yanapotokea, kama ugonjwa, kupoteza kazi, au gharama za ghafla nyumbani. Watu wengi hudhani lazima uwe na kipato kikubwa ili kuanza akiba ya dharura. Hilo si kweli, kitu muhimu ni kuanza na kiasi kidogo unachoweza kumudu, unaweza kuanza kwa kuweka pembeni kiasi fulani kila wiki au kila mwezi bila kusubiri mpaka upate pesa nyingi. Unaweza kuanza akiba ya dharura hata kwa Tsh 1000 leo hii. Lengo la makala hii ni kukupa hatua 6 za vitendo, bila nadharia nyingi, za kujenga akiba hata kama unapata Tsh 200,000 - Tsh 500,000 kwa mwezi. Hatua ya 1: Anza na lengo la Tsh 50,000 Usianze na milioni, ubongo utakukataa. Lengo la kwanza: Fika Tsh 50,000. Hii inaweza kulipia usafiri kwenda hospitali, dawa, au chakula cha wiki 1. Ukishafika 50k, utapata morali ya kwenda 100k, 200k... Hatua 2: Tumia kanuni ya 10% au 5% Kila ukipata pesa, toa asilimia kwanza kabla ya mat...
Endelea kusoma

JINSI YA KUIANZA SAFARI YAKO YA UHURU WA KIFEDHA

Kwanini uhuru wa kifedha ni muhimu? Kwanza, uhuru wa kifedha unakupa usalama na amani ya akili. Watu wengi wanaishi wakihofia kesho, wakiumwa ghafla, wakipoteza kazi, au kinapojitokeza kile kisichokuwa kwenye mpango. Ukiwa na akiba na mpango wa dharura, unajua kwamba hata tukio lisilotarajiwa likitokea, hutanguka mara moja kifedha. Hii inapunguza msongo wa mawazo na huzuni zinazotokana na kubaki bila suluhisho la kifedha.  Pili, uhuru wa kifedha unamaanisha uhuru wa kuchagua maisha unayotaka kuishi. Unapokuwa na msingi imara wa kifedha, unapata nafasi ya kuchagua kazi inayokufaa zaidi, kuanza au kukuza biashara, kubadilisha mji unaoishi, au hata kupunguza muda wa kazi ili ujishughulishe na masomo, familia, au miradi binafsi. Hapa pesa inakuwa nyenzo ya kukuunga mkono, si mnyororo unaokufunga kwenye mazingira yasiyokufaa.  Tatu, uhuru wa kifedha unakulinda dhidi ya hali na mahusiano yenye madhara. Watu wengi duniani wanabaki kwenye ajira, biashara, au mahusiano yasiyowatendea h...
Endelea kusoma