JINSI YA KUJENGA AKIBA YA DHARURA HATA KAMA KIPATO NI KIDOGO

UTANGULIZI

Akiba ya dharura ni moja ya kinga muhimu zaidi katika maisha ya fedha. Hii ni pesa inayokusaidia wakati mambo yasiyotarajiwa yanapotokea, kama ugonjwa, kupoteza kazi, au gharama za ghafla nyumbani.

Watu wengi hudhani lazima uwe na kipato kikubwa ili kuanza akiba ya dharura. Hilo si kweli, kitu muhimu ni kuanza na kiasi kidogo unachoweza kumudu, unaweza kuanza kwa kuweka pembeni kiasi fulani kila wiki au kila mwezi bila kusubiri mpaka upate pesa nyingi. Unaweza kuanza akiba ya dharura hata kwa Tsh 1000 leo hii.

Anza na Tsh 1000 leo

Lengo la makala hii ni kukupa hatua 6 za vitendo, bila nadharia nyingi, za kujenga akiba hata kama unapata Tsh 200,000 - Tsh 500,000 kwa mwezi.

Hatua ya 1: Anza na lengo la Tsh 50,000

Usianze na milioni, ubongo utakukataa. Lengo la kwanza: Fika Tsh 50,000. Hii inaweza kulipia usafiri kwenda hospitali, dawa, au chakula cha wiki 1. Ukishafika 50k, utapata morali ya kwenda 100k, 200k...

Hatua 2: Tumia kanuni ya 10% au 5%

Kila ukipata pesa, toa asilimia kwanza kabla ya matumizi mengine. Mshahara Tsh 300,000 x 10% = Tsh 30,000 kwa mwezi au mshahara Tsh 200,000 x 5% = Tsh 10,000 kwa mwezi.

Hii ndio siri ya watu waliopata mali, lipa wewe mwenyewe kwanza.

Hatua ya 3: Tenga akiba na matumizi 

Usiiweke kwenye M-Pesa yako ya kawaida. Utaitumia.

Fanya moja ya hizi:

1. M-Pesa/Tigo Pesa Lock - Inakufungia pesa miezi 3

2. Akaunti ya Benki tofauti - CRDB, NMB. Usibebe ATM yake

3. Nguruwe ya nyumbani - Ya zamani lakini inafanya kazi

4. SACCOS

Hatua ya 4: Pata Tsh 20,000 ya ziada kila wiki

Hata na kipato kidogo unaweza:

1. Uza nguo zako za zamani Facebook Marketplace

2. Fanya Delivery weekend

3. Pika chipsi uuze ofisini

4. Fundisha mtoto masomo Tsh 10,000 kwa wiki

Hii Tsh 20,000 x wiki 4 = Tsh 80,000 kwa mwezi kwenye akiba yako.

Hatua ya 5: Jenga tabia sio kiasi 

Ni bora uweke Tsh 2000 kila wiki kwa mwaka mzima, kuliko kuweka Tsh 100,000 mwezi 1 halafu uache.

Tabia ndio inayojenga utajiri, Kiasi kinakuja baadaye.

Hatua ya 6: Weka sheria ya sitatumia akiba hii kwa matumizi mengine tofauti na dharura 

Andika kwenye karatasi na ubandike ukutani: NITATUMIA AKIBA HII IKIWA TU: 1. Hospitali 2. Kufukuzwa 3. Ajali

Kila ukitaka kuitumia kununua simu, soma hiyo karatasi kwanza.

MAKOSA 4 YA KUEPUKA

1. Kukopa ukiwa na akiba - Kama una Tsh 100,000 akiba na unataka kununua TV, subiri. Usikope.

2. Kutumia akiba kwa dharura za uongo - harusi ya ndugu sio dharura.

3. Kutokurudisha - ukitumia Tsh 50,000 kwa dharura, panga jinsi ya kuirudisha ndani ya miezi 3.

4. Kulinganisha na wengine - rafiki yako ana 2 milioni. Wewe anza na 10,000 zako.

HITIMISHO

Njia bora ni kuweka lengo maalum. Kwa mfano, unaweza kuamua kujenga akiba ya miezi miwili au mitatu ya matumizi yako muhimu. Ukishakuwa na lengo, inakuwa rahisi kufuatilia maendeleo yako.

Ni vizuri akiba hii ikawekwa sehemu iliyo salama na rahisi kufikiwa, lakini si sehemu ambayo utaitumia kwa urahisi kwa mambo yasiyo ya dharura. Kumbuka, akiba ya dharura si pesa ya sherehe wala safari za ghafla. Ni kinga ya utulivu wako wa kifedha. Ukiwa nayo, changamoto za maisha hazitakusukuma kila mara kuomba msaada au kuingia kwenye maden

Usisubiri kuwa na pesa nyingi ili uanze kuweka akiba. Anza kuweka akiba ndipo utakuwa na pesa nyingi. Fikiria hivi: baada ya miezi 12, utapenda kuwa na Tsh 0 au kuwa na Tsh 240,000? Chaguo ni lako. Na linaanza na Tsh 1000 leo.

Leo utaanza na Tsh ngapi? Andika comment chini Naanza na Tsh tujipe moyo wenzetu 👇

Ukipenda makala kama hizi za Pesa Hatua kwa Hatua, share na rafiki 1 anayehitaji kuisoma.


Maoni

Chapisha Maoni

Machapisho maarufu kutoka blogu hii

KANUNI YA 50/30/20: NJIA RAHISI YA KUIWEKA KATIKA MAISHA HALISI TANZANIA

Picha
UTANGULIZI   Leo nakuletea silaha moja rahisi inayoitwa Kanuni ya 50/30/20. Haijalishi unalipwa Tsh 300,000 au Tsh 3,000,000. Kanuni hii itakusaidia kujua kila shilingi yako inaenda wapi. Watu wengi huko Marekani na Ulaya wameitumia of miaka mingi. Leo tunaiweka kwenye hali halisi ya Tanzania, bila stress. Kanuni ya 50/30/20 Ni Nini? Ni njia rahisi ya kugawa mshahara wako katika vikundi 3 tu. Mtaalamu wa fedha Elizabeth Warren ndiye aliyebuni kanuni hii. Wazo lake ni moja: panga pesa yako kabla pesa ikupange wewe. Kanuni inasema hivi: 1. 50% ya mshahara wako iende kwenye mahitaji Muhimu 2. 30% iende kwenye matamanio  3. 20% iende kwenye Akiba na Kulipa madeni. Sehemu ya 1: 50% - Mahitaji muhimu bila haya huwezi kuishi. Hii ni nusu ya mshahara wako. Tsh 500,000 kama unalipwa Tsh 1,000,000, haya ni mambo ambayo kama hutayalipa, maisha yako yanasimama. - Kodi ya Nyumba - Chakula cha mwezi - Mchele, maharage, mafuta - Umeme, Maji, Gesi - Usafiri wa kwenda Kazi - dala dala, bajaji...
Endelea kusoma

JINSI YA KUIANZA SAFARI YAKO YA UHURU WA KIFEDHA

Kwanini uhuru wa kifedha ni muhimu? Kwanza, uhuru wa kifedha unakupa usalama na amani ya akili. Watu wengi wanaishi wakihofia kesho, wakiumwa ghafla, wakipoteza kazi, au kinapojitokeza kile kisichokuwa kwenye mpango. Ukiwa na akiba na mpango wa dharura, unajua kwamba hata tukio lisilotarajiwa likitokea, hutanguka mara moja kifedha. Hii inapunguza msongo wa mawazo na huzuni zinazotokana na kubaki bila suluhisho la kifedha.  Pili, uhuru wa kifedha unamaanisha uhuru wa kuchagua maisha unayotaka kuishi. Unapokuwa na msingi imara wa kifedha, unapata nafasi ya kuchagua kazi inayokufaa zaidi, kuanza au kukuza biashara, kubadilisha mji unaoishi, au hata kupunguza muda wa kazi ili ujishughulishe na masomo, familia, au miradi binafsi. Hapa pesa inakuwa nyenzo ya kukuunga mkono, si mnyororo unaokufunga kwenye mazingira yasiyokufaa.  Tatu, uhuru wa kifedha unakulinda dhidi ya hali na mahusiano yenye madhara. Watu wengi duniani wanabaki kwenye ajira, biashara, au mahusiano yasiyowatendea h...
Endelea kusoma